அடர்த்து எறிதல் - நெருங்கிமோதுதல்; நெருங்கி அழித்தல். வஞ்சி மானதன்-வஞ்சி சூடிய குலோத்துங்கன். படை - வேற்படை. கண் மடநலீர்:
இரண்டன் உருபும் பயனும் தொக்க தொகை, கண்ணின் பிறழ்ச்சி
கூறப்பட்டது. மகளிர் கண்ணிற்கும் குலோத்துங்கன் படைக்கும் சிலேடை
வகையால் ஒப்புமை கூறியதாம். (12) புணர்ச்சி நிலை கூறி விளித்தது | 33. | அவசமுற் றுளம்நெகத் துயில்நெகப் பவளவாய் | | | அணிசிவப் பறவிழிக் கடைசிவப் புறநிறைக்
கவசமற்று இளநகைக் களிவரக் களிவரும்
கணவரைப் புணருவீர் கடைதிறந் திடுமினோ. |
(பொ-நி) உளம்நெக, துயில்நெக, வாய்சிவப்புற, விழிக்கடை சிவப்புற,
களிநகை வர புணருவீர் திறந்திடுமின்; (எ-று.)
(வி-ம்.) அவசம் - பரவசம். நெக - இளக. துயில் - தூக்கம். நெக-
தொலைய. அற-நீங்க. சிவப்புற-செம்மை நிறம் கொள்ள. நிறைக்கவசம்-
நிறையாகிய மனக்கட்டு. அற்று-அழிந்து. களி-களிப்பால். இளநகை-
புன்முறுவல். களிவரும் - களிப்படையும். புணர்ச்சியில் ஊடல் வேறுபாடு
கூறியவாறு. காமவேட்கை கொண்ட மகளிர் அச்சம் நாணம் முதலிய
மகடூஉக் குணங்களை யிழத்த லியல்பாதலால் 'நிறைக் கவசமற்று' என்றார்.
(13) கலவி மயக்க நிலை கூறி விளித்த | 34. | கலவிக்களியின் மயக்கத்தாற் | | | கலைபோய் அகலக் கலைமதியின்
நிலவைத் துகிலென் றெடுத்துடுப்பீர்
நீள்பொற் கபாடந் திறமினோ. |
(பொ-நி) களியின் மயக்கத்தால், கலை அகல, நிலவை எடுத்து
உடுப்பீர் திறமின்; (எ-று.)
(வி-ம்) கலவி - புணர்ச்சி. களி-கள்ளுண்டு களித்தது போன்ற மிகு
மகிழ்ச்சி. கலை - ஆடை. அகல - உலைந்துபோக; மதி-நிலா. நிலவு-நிலா
வொளி. துகில்-ஆடை. உடுப்பீர் - அணிவீர். நிலவொளியைத் துகிலாகக்
கருதினர் என்க. (14) |