காமமயக்கநிலை கூறி விளித்தது | 35. | நனவினிற் சயதரன் புணரவே பெறினுநீர் | | | நனவெனக் தெளிவுறாது அதனையும் பழையஅக்
கனவெனக் கூறுவீர் தோழி மார் நகைமுகங்
கண்டபின் தேறுவீர் கடைதிறந் திடுமினோ. |
(பொ-நி.)புணரவே பெறினும், நனவெனத் தெளிவுறாது, கனவெனக்
கூறுவீர்; நகைமுகம் கண்டபின் தேறுவீர் திறந்திடுமின், (எ-று.)
(வி-ம்.)நனவு - விழித்திருக்கும் நேரம். சயதரன்-குலோத்துங்கன்.
தெளிவுறாது - தெளியாமல். அது - புணர்ச்சி. நகை -நனவைக் கனவெனக்
கூறியதைக்கேட்டு எள்ளி ஆடிய நகை. தேறுவீர்- தெளிவீர். நனவையும்
கனவென மயங்கினர். இவ்வாறு மயங்கக்காரணம் பழைய கனவை
இடைவிடாது எண்ணியிருந்தமையே என்க. (15) ஊடலும் கூடலும் விழைந்த இயல்புகூறி விளித்தது | 36. | மெய்யே கொழுநர் பிழைநலிய | | | வேட்கை நலிய விடியளவும்
பொய்யே உறங்கும் மடநல்லீர்
புனைபொற் கபாடம் திறமினோ. |
(பொ-நி.) பிழை நலிய, வேட்கை நலிய, பொய்யே உறங்கும்
மடநல்லீர் திறமின்; (எ-று.)
(வி-ம்.) கொழுநர் - கணவர். நலிய - மனத்தை வாட்ட. வேட்கை-
கலவி வேட்கை. உறங்கல் - தூங்கல். ஊடினாராயினும் புணர்ச்சி
வேட்கையால் உறங்காராயினர். பொய்யாகவுறங்குதலாவது கண் மூடியவாறு கிடத்தல். (16)கலவி மயக்கநிலை கூறி விளித்தது | 37. | போக அமளிக் களிமயக்கில் | | | புலர்ந்த தறியா தேகொழுநர்
ஆக அமளி மிசைத்துயில்வீர்
அம்பொற் கபாடம் திறமினோ. |
(பொ-நி.) களி மயக்கில், புலர்ந்த தறியாதே, ஆகஅமளி மிசைத் துயில்வீர் திறமின்; (எ-று.) |