Untitled Document | 159. செட்டியார் நலஉரிமைச் சங்கம் |
| 1094 | | பாரதத்தாய்க் குகந்தபல பணிபுரிந்து
பசுந்தமிழைப் பாது காத்துச்
சீருயரத் தொழில்பேணி, அறம்பேணி,
செப்பரிய செல்வம் பேணி,
காரைநகர்த் தனவணிகர் நலவுரிமைக்
கழகமெக் காலும் வாழ,
ஆரணிந்து தில்லையிலே ஆடுகின்ற
அம்பலவன் அருள்க மாதோ! |
| 160. மீனாட்சிசுந்தரரேசர் உயர்நிலைப்பள்ளி |
| 1095 | | சிந்தைக்கினிய திருக்காரைச்
செல்வ நகரில் மீனாக்ஷி
சுந்த ரேசர் கருணையினால்
தோன்றி வளரும் பள்ளியிலே
வந்து மலர்ந்த 'தாமரை' நீ
வாடா தென்றும் மணம்வீசிச்
சந்தத் தெய்வ மலர்போலித்
தரணி மீது வாழ்கவே! |
| 1096 | | பாரணிந்த பெரும்புலவர் பகுத்து வைத்த
பண்ணினங்கள் நடனங்கள் பலவும் கற்கச்
சீரணிந்து புகழோங்கும் தேவ கோட்டைத்
திருநகரில் செல்வர்கலை வளர்க்கும் அன்பர்
தாரணிந்த முடிமன்னர் வியக்கு மாறு
தந்ததமி ழிசைப்பள்ளி தழைத்து வாழ
நீரணிந்து பிறைசூடித் தில்லை மன்றில்
நின்றாடும் ஈசனருள் செய்க மாதோ! | |
|
|