| முழுவதும் அடங்கிய ஆய்வு தொகுப்பு | 227 |
Untitled Document
| 1339 | | பாண்டியர் வந்தணை செய்தநாடு - சோழர்
பண்டு முடிதரித் தாண்ட நாடு;
வேண்டு பொருள்கள் விளையும் நாடு - சோலை
வேலியாய்ச் சூழ்ந்தணி செய்யும்நாடு. |
| 1340 | | நெஞ்சில் மிகுந்த கருணையெல்லாம் - இங்கு
நீராக மாறி நிறைந்திடவே,
வஞ்சிமன் கட்டிய பேய்ச்சிப்பாறை - ஏரி
வற்றாது பாயும் வளநாடு. |
| 1341 | | ஆயிரங் காலால் நடந்து நடந்தமுது
அன்னை பழையா றளிக்கும்நாடு!
தீய்வு கரிவறி யாத நாடு - நித்தம்
செல்வம் பொழியும் திருநாடு. |
| 1342 | | சேமமாகப் பயிர் செய்திடவே - ஈசன்
சேவடி போற்றிப் பணிந்துழவர்
பூமி பலிதமாம்நாளிலே ஆயிரம்
பொன்னேர் பூட்டி உழும் நாடு. |
| 1343 | | பண்ணை பெருத்த பழநாடு - சுற்றிப்
பார்த்திடக் கண்கள் குளிரும் நாடு;
மண்ணையும் பொன்னாக மாற்றும்நாடு - கவி
வாணர் புகழும் தமிழ்நாடு. |
| 1344 | | செந்நெற் பயிர் அலை மோதும் நாடு - வாழை
தென்னை கமுகு செழிக்கும் நாடு;
மன்னிய முல்லை மருக்கொழுந்தின் - நல்ல
வாசம் எழுந்து கமழும் நாடு. |
| 1345 | | காடு மலையெல்லாம் மேய்ந்துவந்து - பசு
கன்றினை ஊட்டிக் களிக்கும் நாடு;
ஆடுகள் மந்தையாய் வாழும் நாடு - கண்ணுக்கு
ஆனந்தக் காட்சி யளிக்கும் நாடு. |
| 1346 | | தேவர் திருக்கோயில் ஓங்கும் நாடு - மேழிச்
செல்வர் பதிகள் சிறக்கும் நாடு;
மூவர் தமிழும் முழங்கும் நாடு - திரை
முகத்தினை வீசிக் கொழிக்கும் நாடு. | |
|
|