| முழுவதும் அடங்கிய ஆய்வு தொகுப்பு | 75 |
Untitled Document
| 466 | | சின்னாள் சென்றிட ஓர் - அற்புதத்
தீர்க்க தரிசிதோன்றி,
எந்நா டும்அறியச் - சிங்க
ஏறுபோ லேஎழுந்து; |
| 467 | | "விடுவீர் எப்பொருளும் - விடுவீர்
விட்டுவந் தென்வழியைத்
தொடர்வீர் தொடர்வீரே" - என்று
சொல்முழக்கஞ் செய்தான். |
| 468 | | பூமியை ஆளுதற்குத் - தேவ
புத்திரன் வந்துதித்தான்;
க்ஷேமம் பிறக்குமென - யூதர்
சிந்தை களித்திருந்தார். |
| 469 | | "ஈசன் நாமத்தை - அனுதினம்
ஏத்திப் புகழவேண்டும்;
தாச தாசனாய்ப் - பணிந்து
தருமம் காக்க வேண்டும். |
| 470 | | உன்னுயி ரைப்போல - இந்த
உலகில் உயிரையெல்லாம்
மன்னும் அன்பொடுநீ - என்றும்
மதித்து வாழவேண்டும். |
| 471 | | மேவும் எனதாட்சி - அந்த
விண்ணுல காட்சியேயாம்;
ஏவல் இடம்பொருளில் - எனக்கிங்கு
எதும் மயக்கமில்லை." |
| 472 | | என்னும் இப் பொன்னுரைகள் - நாட்டில்
எங்கும் எடுத்துரைத்தான்;
மன்னுயிர் காத்திடவே - மண்ணில்
வந்து பிறந்தமகன். |
| 473 | | ஏழை படும்பாட்டை - அவனும்
எண்ணி எண்ணிநைவான்;
ஏழையொ டேழையாக - உலகில்
எங்கும் அலைந்திடுவான். | |
|
|