:: TVU ::

பெருநிலக்கிழார் வாழ்த்திய காதை

பக்கம் : 157



	கிழார்முன் பூங்கொடி

	அகத்தும் முகத்தும் ஆர்தரும் உவகை	185
	மிகுத்தன ளாகி மேலுயர் பொழிலின் நாப்பண் நிறுவிய நலம்பல பழுநிய காப்பமை மாளிகை கண்டனள் புக்குக் கூப்பிய கையினள் வாழ்த்திய வாயினள்
	மூப்பினை அறிய முடியா முகத்தின்	190
	பெருநிலக் கிழவர் முன்னர்க் குறுகினள்;

	பெருநிலக்கிழார் வேண்டல்

	பெறலரும் பொருளைப் பெற்றால் என்னப் பெருமகிழ் வெய்திப் பெரியவர் வாழ்த்திப் `பெண்மையின் உருவே! கண்ணின் மணியே!
	புண்ணிய மகளே! பூங்கொடி அன்னாய்!	195
	பண்ணிசை நுகரும் பரிவுடன் அழைத்தனென், என்செவி குளிர என்னகம் மகிழ நின்னிசை வார்க்க நேரிழை ஒல்லுமோ? புதுமைச் சுவடியிற் பொதிந்துள உண்மைகள்
	முதுமை யுற்றேற்கு மொழிகதில் லம்ம!'	200
	எனவாங்கு இரப்பார் போல இயம்பினராக,

	பூங்கொடி பாடுதல்

	`பரப்புதல் இசையைப் பணியெனக் கொண்டுளேன், புரப்பது கடனெனப் பூண்டுளீர் நீவிர்,
	தனியள் எனக்குத் தந்தநும் ஆணை	205
	இனிதெனக் கொள்வேன், இயலும் வகையான் தெரிந்தென கூறிச் செல்லுதல் என்கடன், பெருந்தனம் உடையீர் பிழைபொறுத் தருள்க' என்றவள் பணிந்துரை இயம்பி மீனவன்
---------------------------------------------------------------
	ஆர்தரும் - நிறையும், நாப்பண் - நடுவில், பழுநிய - முதிர்ந்த, புரப்பது - காப்பது.