:: TVU ::

பக்கம் :170

பூங்கொடி


	பொங்கிய வெள்ளம் புகாவழிப் புகுந்தது; `தங்கிடன் புகுவேன் தையலை நகுவேன் எங்கவள் தப்புவள்? என்மனம் ஒப்புவள்
	ஆசை பகர்வேன் அவள்நலம் நுகர்வேன்	130
	ஏசிய அவளினி என்கை தவறாள்' எனமனத் தெண்ணி எழுந்து நடந்தனன்;

	நள்ளிரவில் கோமகன்

	நள்ளிராப் பொழுதிற் கள்ளனை நிகர்ப்போன்; மெல்லென நடந்து நல்லவள் வதியிடன்
	மனத்துணி வுடனே மயங்கினன் செல்வோன்	135
	தனைத்தெரி யாவகை தயங்கித் தயங்கிப் புறமும் அகமும் புழுங்கி வியர்க்க உடலும் உளமும் ஒருங்குடன் நடுங்க நெஞ்சினில் துடிப்பும் நெட்டுயிர்ப் பொலியும்
	விஞ்சும் முறையில் வெடவெடத் தேகினன்;	140

	துருவன் தொடர்தல்

	ஒதுங்கியும் பதுங்கியுஞ் செல்லுமோ ருருவம் அரவப் படாஅவகை அடியெடுத் தேகினும் துருவப் பெயரோன் துயிலா விழியில் தெள்ளிதிற் றெரிதரத் துள்ளி எழுந்தவன்
	கள்ளச் செயலோன் கட்படா வகையில்	145
	மெல்லத் தொடர்ந்தனன் மேவிய இருளில்;

	கோமகன் ஓர் அறையுட் புகுதல்

	பழிசெய அஞ்சாக் கழிமிகு காம வழியினிற் செல்வோன், வருவதும் ஓரான் ஆண்டோர் அறையின் அடைகத வொன்றைத்
	தீண்டினன் கதவம் திறந்தது கண்டோன்	150
	`என்வர வறிந்தே இடுதாழ் இட்டிலள்,
---------------------------------------------------------------
	அரவம் - ஓசை, படாஅவகை - படாமல்.