:: TVU ::

கோமகன் கொலையுறு காதை

பக்கம் : 169


	இருளிடை வான மறுகினில் நின்று
	காதலற் காணுங் கழிபே ரவாவொடு	100
	பேதலித் தாங்கண் பெருமூச் செறியக் காற்றெனுங் காதலன் கள்வழி மலர்மணம் போற்றித் தன்னுடற் பூசி வந்தனன்; கொழுநற் காணலுங் கூசி அன்னவள்
	எழிலி எனுந்துகி லெடுத்துப் போர்த்துத்	105
	தன்முகம் மறைத்துத் தயங்கி நின்றனள்; வீசுகை கொண்டதை விலக்கின னாகப் பேசுகை யின்றிப் பெண்மையின் நகர்ந்தனள்; தூசு பற்றினன் தொடர்ந்திடுங் காதலன்
	மாசறு மேகலைக் காசுடன் முத்தும்	110
	வீசிச் சிதறி வீழ்ந்தன வானில் வீழும் அவையே மின்னும் உடுவெனச் சூழும் அவ்விடைச் சுடர்விட் டெரிந்தன; எனவாங்கு
	கற்பனை வடித்துக் கவிதையும் முடித்து	115
	நிற்பவன் நெஞ்சில் நேரிழை உருவம் பொற்புட னாடல் புரிவது கண்டனன்;

	கோமகன் காம எழுச்சி

	இரவுங் குளிரும் எரிதழல் மூட்ட வருமந் நிலவுவாரிநெய் யூற்ற
	வாடையுந் தென்றலும் மாறி மாறி	120
	நீடவை வீசலால் நெஞ்சினிற் கனன்று சுடர்விட் டெரிந்தது சொலற்கருங் காமம்; கோமகன் அடங்காக் காமுகன் ஆயினன்; நிறையும் பண்பும் இருகரை யாகச்
	செறிபுனல் நிகர்க்கும் நெறிபடு காமம்	125
	உறுகரை கடந்தது முறைமையும் இகந்தது;
---------------------------------------------------------------
	தூசு - ஆடை.