பிற்காலப் பாண்டியரில் புகழ்பெற்ற சடையவர்மன் சுந்தர
பாண்டியன் (1251-1271) தனது வெற்றிகளின் நினைவாகத்தில்லைப்
பெருமானை வணங்கித் துலாபாரத் தானம் வழங்கினார்.
இக்கோவிலுக்குப் பொன் வேய்ந்தார். இக்கோவிலின்
மேற்கு இராஜகோபுரத்தையும் இவர் அமைத்தார்.

சேந்தமங்கலத்தைத் தலைநகராகக்கொண்டு ஆட்சி புரிந்த
பல்லவர் வழிவந்த காடவராயர் தலைவன்
கோப்பெருஞ்சிங்கன் (1229-1278) இக்கோவிலின் தெற்குக்
கோபுரத்தைக் கட்டினார்.

கி.பி. 1310ஆம் ஆண்டு அலாவுதீன் கில்ஜியின்
படைத்தளபதி மாலிக்காபூரின் மதுரைப் படையெடுப்பின்பொழுது
சிதம்பரம் கோவில் இஸ்லாமியப் படைகளால் தாக்கப்பட்டது.

விஜயநகரப் பேரரசர் கிருஷ்ண தேவராயர் (1509-1529)
தமது ஒரிஸ்ஸா வெற்றியின் நினைவாகத்தில்லைக் கோவிலின்
வடக்கு இராஜகோபுரத்தை அமைத்தார். மதுரை நாயக்க மன்னர்
வீரப்பன் (1572-1595) இக்கோவிலின் ‘வீரப்ப நாயக்கர் மதிலை’
அமைத்தார்.

காஞ்சிபுரம் வள்ளல் பச்சையப்ப முதலியார் (1754-1794),
அவர் தமக்கை சுப்பம்மாள் ஆகியோர் தில்லைக்கோவிலில்
பல திருப்பணிகள் புரிந்துள்ளனர். நாட்டுக்கோட்டை நகரத்தார்களின்
பல திருப்பணிகளையும் இக்கோவில் கொண்டுள்ளது.

கர்நாடகப் போரின்பொழுது பிரெஞ்சுக்காரர்கள்
சிதம்பரத்தை 1753இல் ஆங்கிலேயரிடமிருந்து கைப்பற்றி
அதை 1760வரை