குமார கம்பணரின் மதுரைப் படையெடுப்பு
வெற்றியடைந் ததையொட்டி (கி.பி. 1371) திருச்சி மற்றும் இதர
பகுதிகள் விஜயநகர அரசின் ஆட்சியின்கீழ் வந்தன.
விஸ்வநாதரால் மதுரை நாயக்க அரசு தோற்றுவிக்கப்பட்ட
பொழுது திருச்சிப் பகுதி இவ்வரசின் ஆட்சிக்குட்பட்டிருந்தது.
நாயக்கர் ஆட்சிக் காலத்தில் திருச்சி நகர் பெரிதும்
வளர்ச்சியடைந்தது. விஸ்வநாதர் வழிவந்த முத்துவீரப்பர்
கி.பி.1616இல் தம் தலைநகரை மதுரையிலிருந்து திருச்சிக்கு
மாற்றினார். விஜய நகர மன்னர் இரண்டாம் வெங்கடன்
இறந்தபின், அவருக்குப் பின் பதவிக்கு வருவது குறித்துப்
போட்டி ஏற்பட்டது. இப்போட்டியில் யச்சம நாயக்கர்
தலைமையிலான ஒரு பிரிவினருக்கும், ஜக்கராயர்
தலைமையிலான மற்றொரு பிரிவினருக்கும் திருச்சிக்கு
அருகில் போர் ஏற்பட்டது. இப்போர் தோப்பூர் போர்
எனப்படும். இப்போர் கி.பி.1616இல் நடந்தது. (காவிரியின்
தென்கரையில் பேரணையிலிருந்து 3 கி.மீ. தொலைவில் போர்
நடந்தது.) யச்சம நாயக்கருக்குத் தஞ்சை நாயக்கர் இரகுநாதரும்,
ஜக்கராயருக்கு மதுரை நாயக்கர் முத்து வீரப்பரும், செஞ்சி
நாயக்கரும் ஆதரவளித்தனர். இப்போரில் முத்துவீரப்பர்
ஆதரவளித்த ஜக்கராயர் வெற்றி பெறவில்லை. திருமலை
மன்னர் (1623-1659) மதுரை நாயக்க அரசின் தலைநகரை