பல முற்றுகைகளுக்கும், தாக்குதல்களுக்கும் உட்பட்ட
திருச்சிக் கோட்டைப் பகுதிகள் பிற்காலத்தில் அழிவுற்று
அகற்றப்பட்டன. திரிபுரா மலைமீது கோட்டைப் பகுதி எதுவும்
இல்லை. திருச்சிக் கோட்டையின் எஞ்சிய பகுதிகளில் இன்று
நல்ல நிலையில் காணப்படுவது ‘மெயின்கார்டு கேட்’ என்ற
வாயில் பகுதியாகும். இவ்வாயில் தெப்பக்குளத்தின் தென்மேற்கில்
உள்ளது.

பழைய கோட்டையின் சிதைவுற்ற ஒரு பகுதி,
தெப்பக்குளத்தின் வடபகுதியிலுள்ள ‘பட்டர்வர்த்
சாலை’யில் உள்ளது.

வரலாற்றுச் சிறப்புமிக்க திருச்சிக் கோட்டையின் எஞ்சிய
பகுதிகளைக் காப்பது நமது கடமையாகும்.

‘மெயின்கார்டு கேட்’ அருகிலுள்ள தெப்பக்குளம், மதுரை
நாயக்க அரசைத் தோற்றுவித்த விஸ்வநாதரால் உருவாக்கப்பட்டது
என்று கூறப்படுகிறது. தெப்பக்குளத்தின் தென் கிழக்கு மூலையில்
‘கிளைவ் விடுதி’ (Clive`s Hostel) என்ற கட்டடப்பகுதி
உள்ளது. சந்தாசாகிப்பின் திருச்சி முற்றுகையை