மேற்கோள் : வீணாக மேற்கோள்களைக் கொட்டி விடுவது
அறிவுக் குறைவைக் காட்டும் என்பர். பழைய காலத்தில் மேற்
கோள்களை மிகுதியாய்ச் சேர்த்து எழுதுவது வழக்கமாயிருந்தது.
இக்காலத்தில் இன்றியமையாது தேவைப்படும் இடங்களில் மட்டும்
வலியுறுத்தும் பொருட்டு மேற்கோள்களைப் பயன்படுத்த வேண்டும்.

இனிய சொற்றொடரும் மரபும்: ஆங்காங்கே இனிய சொற்றொடர்
களையும் மரபுத் தொடர்களையும் இனிமைக்காகப் பயன்படுத்தலாம்.
வேண்டுமென்று அவைகளை வலிந்து புகுத்துதல் கூடாது.

பழமொழிகள் : உரைநடையில் வேண்டிய இடங்களில் மட்டும்
பழமொழிகளைப் பயன்படுத்தலாம். அவற்றையும் அளவுக்குமேல்
பயன்படுத்தல் கூடாது. அளவுக்கு மிஞ்சினால் அமுதமும்
நஞ்சாகும். வேண்டுமென்றே பழமொழிகளைப் புகுத்தெழுதுதலும்
கூடாது.

அணிகள் : உரைநடையில் விளக்கத்திற்காகவும் சுருக்கத்திற்
காகவும் அழகுக்காகவும் உவமை, உருவகம் முதலிய அணிகளை
அமைத்து எழுதலாம்.

சந்திகள் : மிகவும் இன்றியமையாத சந்திகளையே பயன்படுத்த
வேண்டும். கடின சந்திகளையும் ஐயம் உண்டாக்கும் சந்திகளையும்