முகப்பு

பக்கம் எண் :

தொடக்கம்

சில காரணப் பெயர்களின் வரிசை 477 குழம்பு - குழைந்திருப்பது. கை - செய்வதற்குரியது. இது தெலுங்கில் செய் எனப்படும். செய் என்பது கை எனத் திரிந்தது. கொப்பூழ் - கொய்பூழ், கொய்யப்பட்டதால் உள்ள துவாரம், இது தொப்புள் என்று தவறாக வழங்கப்படுகிறது. கொறுக்காய்புளிக்காய். - இது கொடுக்காய்ப்புளி என்பதன் மரூஉ. வளைந்த புளி வகையைச் சேர்ந்த காய். இச்சொல் தவறாக வழங்கப்படுகிறது. கோவில் - (கோ+இல்) தலைவன் அல்லது கடவுள் இருக்கும் இடம். சகோதரர் - (சக+உதரர்) ஓரே வயிற்றிலிருந்து பிறந்தவர். உதரம் - வயிறு. (உடன் பிறந்தவர்) சாக்கடை - சாய் கடை. வீட்டுக் கடைப்பகுதியில் நீர் செல்லச் சாய்ந்திருக்கும் அமைப்பு. (கழிவு நீர் செல்லும் கால்வாய்) சுவர் - சுவல் - தோள். தோள் போலக் கூரையைத் தாங்குவது, சாம்பல் என்பது சாம்பர் என்றாவது போல, சுவர் என்பது லகர ரகரப் போலி பெற்று வழங்குகிறது. சோறு - சொல் - நெல். சொல்லுள் (நெல்லுள்) இருப்பது சோறு. ஞாலம் - தொங்கிக் கொண்டிருப்பது. நாலுதல்- தொங்குதல். ஞகர நகரப் போலி. தங்கை - தனக்குப் பின் பிறந்தவள். தட்பம் - தண்மை (குளிர்ச்சி) உடையது. தந்தை - தன்னைத் தந்தவன்.

முன் பக்கம்

மேல்

அடுத்த பக்கம்