அண்மை விளியில் இயல்பும் ஈறு கெடுதலும், சேய்மை விளியில்
ஈறு திரிதல், ஈறுகெட்டு அயல் நீறுதல் முதலியவையும் வருவதைக்
காணலாம்.

விளிக்கப்படாத பெயர்கள்

சில பெயர்கள் விளிக்கப்படுவதில்லை.

எவன், எவள், எவர், யாவன், யாவள், யாவர் என்னும்
உயர்திணை வினாப்பெயர்களும்;

எது, எவை, யாது, யாவை என்னும் அஃறிணை வினாப்
பெயர்களும்;

அவன், அவள், அவர், இவன், இவள், இவர் என்னும்
உயர்திணைச் சுட்டுப் பெயர்களும்;

அது, இது, அவை, இவை என்னும் அஃறிணைச் சுட்டுப்
பெயர்களும்;

தான், தாம் என்னும் பொதுப் பெயர்களும்;
மற்றையார், பிறன், பிறள், பிறர் முதலிய பெயர்களும் விளி
ஏற்கமாட்டா.

அவனே, இவனே, எவனே, அதுவே, இதுவே, பிறனே, பிறளே
என்று இவை விளிக்கப்படா என்றறிக.

அவனே இங்கே வா என்று சொல்வோமா? சொல்ல மாட்டோம்.