வினையெச்சத்தில் இறந்த கால வினையெச்சம், நிகழ்கால
வினையெச்சம், எதிர்கால வினையெச்சம் என மூவகை உண்டு.

இறந்தகால வினையெச்சம் உ, இ, ய் என்பவற்றை விகுதிகளாகப்
பெற்று வரும்.

நிகழ்கால வினையெச்சம் பெரும்பாலும் அ என்னும் விகுதி
பெற்று வரும்.

எதிர்கால வினையெச்சம் இன், ஆல், வான், பான் என்னும்
விகுதிகளும் ஒன்றைப் பெற்று வரும்.

எதிர்மறை வினையெச்சம் (Negative Dependent Verbal Form)

எதிர்மறுப்பில் வரும் வினையெச்சம் எதிர்மறை
வினையெச்ச மாகும். எதிர்மறை வினையெச்சம் ஆ என்னும்
எதிர்மறை இடைநிலையையும் து, மல், மே என்னும் விகுதியையும்
பெற்று வரும்.

காணாது சென்றான்

காணாது என்பது எதிர்மறை வினையெச்சம். து என்பது எதிர் மறை
வினையெச்ச விகுதி.