வ - று. அணங்குடை ¹நோலை பொரிபுழுக்கல் பிண்டி
நிணங்குடர் நெய்த்தோர் நிறைத்துக்- கணம்புகலக்
⁶கையிரிய மண்டைக் கணமோடி காவலற்கு
மொய்யிரியத் தான்முந் துறும்.

(இ - ள்.) தெய்வத்திற்குரித்தான எட்கசிவும் நெற்பொரியும் அவரை துவரையும் தருப்பணமும் நிணமும் குடரும் உதிரமும் நிறைவித்துத் திரட்சி விரும்பக் கையிலே பாத்திரத்தையிருத்திய பூதகணங்களையுடைய துர்க்காதேவி வேந்தற்குப்பகை கெடத் தான் முன்னே எழுந்தருளும் எ - று.

(5)

41. இதுவுமது

மைந்துடை யாடவர் செய்தொழில் கூறலும்
அந்தமில் புலவ ரதுவென மொழிப.

(இ - ள்.) வலியினையுடைய வீரர் செய்யுந் தொழிலைச் சொல்லுதலும் முடிவில்லாத அறிவினையுடையோர் அத்துறையென்று சொல்லுவர். எ - று.

வ - று. தமருட் டலையாத றார்தாங்கி நிற்றல்
எமருள்யா மின்னமென் றெண்ணல்-அமரின்
முடுகழலின் முந்துறுதன் ²முல்லைத்தார் வேந்தன்
தொடுகழன் மைந்தர் தொழில்.

(இ - ள்.) தம்முடைய சுற்றத்தாரின் மேலாகுதல், தூசிப்படையைத் தடுத்து நிற்றல், எங்கள் படைவீரருள் யாம் இன்ன தன்னமையேமென்றெண்ணுதல், போரிடத்து விரைந்து செல்லும் நெருப்புப்போல முற்படப் புகுதல், முல்லைத்தாரினையுடைய மன்னனுடைய கட்டும் வீரக்கழலினையுடைய வீரர்செய்தி. எ - று.

முல்லைத்தார் கூறியது வஞ்சி தானே முல்லையது புறனே" என்றதனால். எ - று.

(6)

⁴42. கொற்ற வஞ்சி

வையகம் வணங்க வாளோச் சினனெனச்
செயகழல் வேந்தன் சீர்மிகுத் தன்று

(இ - ள்.) உலகத்துள்ளோர் தொழ வாளாலே வெட்டினானெனச் சொல்லிப் பண்ணின வீரக்கழலினையுடைய அரசனது⁷நன்மையைப் பெருக்கச் சொல்லியது. எ - று.

வ - று.⁵அழலடைந்த மன்றத் ⁸தலந்தயரா நின்றார்
நிழலடைந்தே நின்னையென் றேத்திக் - கழலடையச்
செற்றங்கொண் டாடிச் சிலைத்தெழுந்தார் வீந்தவியக்
கொற்றங்கொண் டெஃகுயர்த்தான் கோ.

1. சிலப். 5:68-9. 2. சீவக. 547. 3. தொல். புறத். சூ. 6. 4. சிலப்.25 :141. 5. நன்.சூ.440. மயிலை.மேற். (பி-ம்.)6. 'கையிரீஇ மண்டை கண' 7. 'தன்மை' 8. 'தரந்தயரா நின்றார்'