சொல்	அருஞ்சொற்பொருள்
நடுவாந்தரம்	உதவியற்ற நிலை ; செயலினிடையில் ; எதிர்பாராதபடி ; மத்தியப்பகுதி .
நடுவிரல்	ஐவிரல்களுள் இடையிலுள்ள விரல் .
நடுவிலவன்	புதல்வர்களுள் நடுவுள்ளவன் .
நடுவிலான்	புதல்வர்களுள் நடுவுள்ளவன் .
நடுவின்மை	நீதிக்கேடு .
நடுவீடு	பூசைக்குரிய உள்வீடு ; சாப்பாட்டு அறை .
நடுவு	இடை ; நடுவுநிலைமை ; மாதரிடுப்பு ; நீதி .
நடுவுநிலை	ஒருபக்கம் சாராமை ; சாந்தம் என்னும் சுவை .
நடுவுநிலைத்திணை	பாலைத்திணை .
நடுவுநிலைமை	காண்க : நடுநிலை ; செம்மை ; நிதானம் .
நடுவுபாடு	மத்தியப்பகுதி .
நடுவுள்ளவன்	இடையிலுள்ளவன் ; புதல்வர்களுள் மத்தியில் உள்ளவன் .
நடுவூர்	ஊரின் நடுவிடம் .
நடுவெலும்பு	முதுகெலும்பு .
நடுவெழுத்து	பத்திரம் எழுதுபவன் ; பத்திரப்பதிவு அலுவலன் .
நடுவெளி	இடைவெளி ; பரந்தவெளி .
நடுவே	இடையில் .
நடேசன்	காண்க : நடராசன் .
நடை	காலாற் செல்லுகை ; பயணம் ; அடி வைக்குங் கதி ; வாசல் ; இடைகழி ; ஒழுக்கம் ; வழக்கம் ; நீண்டநாள் ; நடைகூடம் ; இயல்பு ; அடி ; கூத்து ; தொழில் ; செல்வம் ; ஒழுக்கநூல் ; நித்தியபூசை ; கோயில் ; கோள் முதலியவற்றின் கதி ; கப்பல் ஏறும் வழி ; மொழியின் போக்கு ; வாசிப்பின் நோட்டம் ; தடவை .
நடைக்காவணம்	காண்க : நடைப்பந்தல் .
நடைக்குநடை	ஒவ்வொரு தடவையும் .
நடைக்கூடம்	வாயிலிடம் ; மாளிகையின் முகப்புக்கூடம் ; நடந்துசெல்லும் கூடமான உடம்பு .
நடைகாவற்காரன்	கோயில் முதலியவற்றின் வாயில்களின் காவலாய் நிற்பவன் .
நடைகிணறு	இறங்க ஏற உதவும் படிகள் கொண்ட கிணறு .
நடைகூடம்	காண்க : நடைக்கூடம் .
நடைகூலி	நடந்து செல்வதற்குரிய கூலி .
நடைச்சலங்கு	சிறுபடகு .
நடைசாரி	குதிரையின் மந்தநடை ; உலாவுகை ; இடையறாத நடை .
நடைத்திண்ணை	இடைகழித் திண்ணை .
நடைத்தேர்	சிறுதேர் .
நடைநீர்	ஓட்டமுள்ள தண்ணீர் .
நடைப்படம்	நடத்தற்பொருட்டு வழியில் விரிக்கும் ஆடை .
நடைப்படாம்	நடத்தற்பொருட்டு வழியில் விரிக்கும் ஆடை .
நடைப்பந்தல்	விழாக்காலத்தில் நடந்து செல்வதற்கு அமைக்கும் பந்தல் ; புறப்பாட்டில் சுவாமியுடன் செல்லுமாறு அமையும் பூப்பந்தல் .
நடைப்பரிகாரம்	வாழ்க்கைக்கு வேண்டிய பண்டங்கள் ; பயணத்திற்கு வேண்டிய பொருள்கள் ; பத்தியமில்லாத மருந்து .
நடைப்பிணம்	பயனற்றவன் ; நடக்கும் பிணம் .
நடைப்பெருவாயில்	கோயிலின் தலைவாசல் .
நடைப்பொன்	நடப்புச் செலவுக்குத் தேவையான பணம் .
நடைபடம்	காண்க : நடைபாவாடை .
நடைபடி	நடத்தை ; வழக்கம் ; நீதிமன்ற நடவடிக்கை .
நடைபரிதல்	விரைந்து நடத்தல் .
நடைபழகுதல்	நடக்கக் கற்றல் ; தாமதமாய் நடத்தல் .
நடைபாதை	நடக்கும் பாதை .
நடைபாவாடை	நடத்தற்பொருட்டு வழியில் விரிக்கும் ஆடை .
நடைபாவி	படிக்கிணறு ; படிக்கட்டு .
நடைமலை	நடக்கும் மலையாகிய யானை .
நடைமனை	நடக்கும் வீடாகிய உடல் .
நடைமாடு	ஆடுமாடுகள் .
நடைமாற்று	காண்க : நடைபாவாடை .
நடைமுதல்	நடப்பிலுள்ள ஆண்டு .
நடைமுறை	வழக்கமாக நடைபெறும் செயல்கள் ; பரம்பரை வழக்கம் .
நடையறிதல்	ஊர்வழக்கங்களையறிதல் ; எழுத்து நடையை அறிதல் .
நடையன்	நடக்கிறவன் ; உழவுமாடு ; குதிரை முதலியன ; செருப்பு .
நடையாட்டம்	வழக்கிற் பயின்றுவருகை .
நடையாடுதல்	சஞ்சரித்தல் ; பரவுதல் .
நடையில்விடுதல்	மாடு முதலியவற்றைப் பெருநடையிற் செலுத்துதல் .
நடையுடைபாவனை	மக்களின் வழக்கவொழுக்கம் முதலியன .
நடையுடையோன்	காற்று .
நடையொத்து	ஒரு தாளவகை .
நடைவண்டி	சிறுபிள்ளைகள் நடைபழகுதற்கு உதவும் சிறுவண்டி .
நடைவரம்பு	நடந்து செல்வதற்குத் தக்கபடி அமைந்த வயல் வரப்பு .
நடைவழி	மூன்று முழ அகலமுள்ள பாதை ; நடக்கும் வழி .
நடைவாவி	படிகளமைந்த கிணறு .
நடைவானம்	காண்க : நடைப்பந்தல் .
நடைவிளக்கெரித்தல்	தண்டனையாகத் தலையில் விளக்கை வைத்து குற்றஞ்செய்தோரை ஊரில் வலம்வரச் செய்தல் .
நடைவெள்ளம்	தோட்டம் முதலியவற்றிற்குத் தானாகவே பாயும் நீர் .
நண்டு	நீர் ஓரம் வாழும் ஒருவகைக் சிறு உயிரி ; கற்கடகராசி .
நண்டுக்கரம்	தெரிநிலைக்கையிரண்டும் அங்குலி பிணைந்துவரும் இணைக்கைவகை .
நண்டுக்காற்கீரை	ஒரு கீரைவகை .
நண்டுக்காற்புல்	ஒரு புல்வகை .
நண்டுக்கொடுக்கு	நண்டின் முன்புறத்துள்ள உறுப்பு .
நண்டுச்செலவு	நண்டு இருக்கும் வளை .
நண்டுஞ்சுண்டும்	சிறியவும் பெரியவுமான இளங்குழந்தைகள் .
நண்டுநசுக்கு	சிறியவும் பெரியவுமான இளங்குழந்தைகள் .
நண்டுவாய்க்காலி	காண்க : நட்டுவாய்க்காலி .