சொல்	அருஞ்சொற்பொருள்
மகிதம்	சிவபிரானது திரிசூலம் .
மகிதலம்	பூமி .
மகிந்தகம்	எலி ; கீரி .
மகிபன்	அரசன் .
மகிபாலன்	அரசன் .
மகிமா	எண்வகைச் சித்திகளுள் விருப்பம்போல உருவத்தைப் பருக்கச் செய்யும் பேராற்றல் .
மகிமை	பெருமை ; காண்க : மகமை ; சிறப்பு , மதிப்பு .
மகிலை	பெண் ; வெறிபிடித்தவள் .
மகிழ்	இன்பம் ; குடிவெறி ; மது ; மரவகை .
மகிழ்ச்சி	உவகை ; காண்க : மகிழ்ச்சியணி .
மகிழ்ச்சிநிலை	உள்ளமிகுதி .
மகிழ்ச்சியணி	மகிழ்ந்து சொல்லுகையாகிய அலங்காரவகை .
மகிழ்ச்சிவினை	புண்ணியம் , நல்வினை .
மகிழ்த்தாரான்	மன்மதன் .
மகிழ்தல்	அகங்களித்தல் ; உணர்வழிய உவகை எய்துதல் ; குமிழியிடுதல் ; விரும்புதல் ; உண்ணுதல் .
மகிழ்நன்	கணவன் ; மருதநிலத் தலைவன் .
மகிழ்வு	இன்பம் .
மகிழம்	மகிழமரம் .
மகிழலகு	மகிழம்விதை .
மகிளம்	பூவிதழ் .
மகீதரம்	மலை .
மகீபதி	அரசன் .
மகீபன்	அரசன் .
மகீருகம்	பூமியில் முளைப்பதான தாவரம் .
மகீலதை	நாங்கூழ் .
மகுடம்	மணிமுடி ; தலைப்பாகைவகை ; தலையணி ; பல பாடல்களில் ஓர் இறுதியாக வரும் முடிவு ; கட்டுரைத் தலைப்பு ; சிவாகமம் இருபத்தெட்டனுள் ஒன்று ; ஓலைச்சுவடியின் மணிமுடிச்சுக் கொண்டை ; மாதர் காதணி வகை ; மத்தளத்தின் விளிம்பு ; பறைவகை ; ஒளிமங்கல் .
மகுடராகம்	ஒரு பண்வகை .
மகுடராமக்கிரியம்	ஒரு பண்வகை .
மகுடவர்த்தனர்	முடிமன்னர் .
மகுடாதிபதி	முடியுடை வேந்தன் .
மகுடி	இசைக்கருவிவகை ; பாம்பாட்டியின் ஊது குழல்வகை .
மகுரம்	கண்ணாடி ; பளிங்கு ; பூமொட்டு ; தண்ட சக்கரம் .
மகுலம்	காண்க : மகிழம் .
மகுளி	ஓசை ; எட்பயிர் நோய்வகை .
மகுளிபாய்தல்	பெருமழையால் நிலம் இறுகிவிடுதல் ; நீரின்மையால் எள்ளு முதலிய செடி கொடிகள் செந்நிறமடைதல் .
மகூலம்	மலர்ந்த பூ .
மகேச்சுரன்	சிவபெருமான் .
மகேசன்	சிவபெருமான் .
மகேசுரவடிவம்	இலிங்க வடிவொழிந்த சிவமூர்த்தங்கள் .
மகேசுவரன்	காண்க : மகேச்சுரன் .
மகேசுவரி	பார்வதி .
மகேந்திரசாலம்	வியப்பைக் காட்டும் வித்தை .
மகேந்திரம்	ஒரு மலை .
மகேந்திரன்	இந்திரன் .
மகேசுவரியம்	பெருஞ்செல்வம் .
மகோததி	கடல் ; தனுக்கோடிக்கு வடக்கிலுள்ள கடற்பிரிவு .
மகோதயம்	ஒரு புண்ணியகாலம் ; பெருமை ; வீடுபேறு ; மேன்மை .
மகோதரம்	பூதம் ; பெருவயிற்றுநோய் .
மகோதை	கொடுங்கோளூர் .
மகோற்சவம்	பெரிய திருவிழா .
மகோன்மதம்	மிகுவெறி .
மகோன்னதம்	மிக்க உயரம் ; உயர்ந்த நிலை ; பனை .
மகௌடதம்	சுக்கு ; திப்பிலி ; வசம்பு ; நன்மருந்து .
மங்கல்	கெடுதல் ; ஒளிமங்குதல் ; இருள்நேரம் .
மங்கல்யம்	காண்க : மாங்கலியம் .
மங்கலக்கருவி	யாழ் முதலிய இசைக்கருவிகள் ; சவரக்கத்தி .
மங்கலக்கிழமை	செவ்வாய்க்கிழமை .
மங்கலகாரியம்	நற்செயல் .
மங்கலகீதம்	காண்க : மங்கலப்பாட்டு .
மங்கலகௌசிகம்	ஒரு பண்வகை .
மங்கலச்சொல்	மங்கலமொழி , நன்மையைக் குறிக்கும் மொழி ; வாழ்த்துரை ; செய்யுள்களின் முதலில் வரற்குரிய திரு , பூ , உலகம் முதலிய நன்மொழிகள் .
மங்கலசூத்திரம்	தாலிக்கயிறு .
மங்கலத்திருநாள்	புண்ணியதினம் , திருவிழாவில் சிறந்த நாள் .
மங்கலத்துகில்	வெண்துகில் .
மங்கலதினம்	காண்க : மங்கலநாள் .
மங்கலநாண்	தாலிக்கயிறு , கழுத்திலணியும் திருமங்கலியச் சரடு .
மங்கலநாள்	நன்னாள் .
மங்கலப்பாட்டு	நல்ல காலங்களில் பாடும் பாட்டு .
மங்கலப்பிரதை	மஞ்சள் .
மங்கலப்பொருத்தம்	செய்யுள் முதன்மொழிப் பொருத்தம் பத்தனுள் முதன்மொழியிடத்து மங்கலச்சொல் நிற்பது .
மங்கலபத்திரிகை	திருமண அழைப்பிதழ் .
மங்கலபாடகர்	அரசர் முதலியோரைப் பாடுவோர் .
மங்கலபேரிகை	நல்ல காலங்களில் முழக்கும் முரசம் .
மங்கலம்	திருமணம் ; ஆக்கம் ; பொலிவு ; நற்செயல் ; நன்மை ; தாலி ; தருமம் ; சிறப்பு ; வாழ்த்து ; காண்க : மங்கலவழக்கு ; எண்வகை மங்கலம் ; சேகரிப்பு ; தகனபலி ; சில ஊர்ப்பெயர்களின் பின் இணைக்கப்படும் துணைச் சொல் .
மங்கலம்பதினாறு	கவரி , நிறைகுடம் , கண்ணாடி , கோட்டி , முரசு , விளக்கு , கொடி , இணைக்கயல் என்னும் எண்வகை மங்கலத்தோடு வாள் , குடை , ஆலவட்டம் , சங்கம் , தவிசு , திரு , அரசியலாழி , ஓமாலிகை என்னும் எட்டுஞ் சேர்ந்த பதினாறு வகையான எடு பிடிகள் .