இப்பாடப் பகுதிப் பாடல்களில் காதலின் இன்பத்தை விடப் பிரிவின் வருத்தமும், தலைவன் விரைந்து மணந்து கொள்ளாததால் வரும் தவிப்பும், தலைவனின் ஒழுக்கக் கேட்டினால் தலைவிக்கு நேரும் அவலமும் எனக் காதலின் துயரப் பகுதிகளே நிறைந்து கிடப்பதைக் கண்டீர்கள். வாழ்வும் சாவும் எனும் இரு பெரும் உண்மைகளைக் காதலைக்கொண்டு இணைத்துப் பார்க்கும் பார்வைத் தீவிரத்தைக் கண்டீர்கள். அழகிய படிமங்கள் உங்கள் மனக்கண்ணில் தீட்டிய சித்திரங்கள் என்றும் வண்ணம் கலையாமல் நிலைத்திருக்கும்.