யாப்பருங்கலமும் காரிகையும் ஒருவராலேயே இயற்றப்பட்டன வாயினும்
இவ்விரண்டற்கும் இடையே சில வேறுபாடுகள் காணப் படுகின்றன; அவை வருமாறு:

      (1) யாப்பருங்கலம் எழுத்துப் பதினைந்து என்று கூறும்; காரிகை இவற்றைப்
பதின்மூன்று என்று நுவல்கின்றது. (கா. 44)

      (2) எழுத்து, அசை, சீர், முதலியவற்றைப் பற்றிப் புற னடையாகக் கூறும்
செய்திகள் காரிகையில் ஒழிபியலில் வேறாகக் கூறப்படுகின்றன; யாப்பருங்கலம் இவற்றை
அந்த அந்த உறுப்பைப் பற்றிய ஓத்தினுள்ளேயே கூறிச் செல்கின்றது.