LXXX

இகரஈறு :

அன்றி, இன்றி என்ற வினையெச்சங்கள் செய்யுளில் உகர ஈறாய்த் திரிந்தவழி மிகாது புணரும் என்பது.
                                                                        91

சுவைப்பொருள் தரும் புளி என்ற ஈற்றின்முன் வல்லெழுத்தேயன்றி மெல்லெழுத்தும் மிகும் என்பது.
                                                                        92

ஈகாரஈறு :

பீஎன்ற சொல் இயல்பாய் அல்வழியில் புணரும் என்பதும், மீ என்ற மரூஉ மொழி வேற்றுமைக் கண் இயல்பு ஆதலேயன்றி, வல்லெழுத்தும் மெல்லெழுத்தும் பெற்றுப் புணரும் என்பதும்.
                                                                        93

ஆ என்பதன் முன்வரும்  பீ என்ற சொல் இடையே வல்லெழுத்துப்பெற்றுக் குறுகும் என்பது
                                                                        94

உகரஈறு :

ஒரு இரு முதலிய விதி உகர ஈறாகிய எண்ணுப் பெயர்களும், அது இது உது என்ற சுட்டுப்பெயர்களும் இயல்பாகப் புணரும் என்பதும், அது என்ற நிலைமொழி அன்று என்பது வருவழி அதா அன்று எனவும், ஐ என்ற சாரியை வருவழி அதை எனவும் புணரும் என்பதும்.
                                                                        95

ஊகாரஈறு :

பூ என்ற பெயர் வேற்றுமைப் புணர்ச்சிக்கண் வல்லெழுத்தே யன்றி மெல்லெழுத்தும் மிக்குப் புணரும் என்பது.
                                                                        96