கண்படைநிலை, துயில்எடைநிலை, பெயர்இன்னிசை,

ஊர்இன்னிசை

     ‘வேந்தரும் வேந்தரைப் போல்வாரும் அவையின்கண்

              மிகநெடிது வைகியவழி

          விறல் மருத்துவர் அமைச்சரும் முதலியோர்க்கு

              விழி துயில்கொளும் இடமதைச்

     சார்ந்து கருதிக்கூறல் கண்படைநிலை⁵⁹ யதாம்;

              தன்வலியினால் பாசறை

          தனில்ஒரு மனக்கவலை யின்றித் துயின்ற அர

              சர்க்கு நற்புகழ்கொடுத்தல்

     நேர்ந்து கருதிய தூதர் துயிலெடுப்புதலாய்

              நிகழ்த்தல் துயிலெடைநிலை⁶⁰ யதாம்;

          நிலைப்பாட்டுடைத்தலைவன் நாமமது சார இன்

              னிசைவெள்ளை தொண்ணூறேனும்

     சேர்ந்த எழுபதேனும் அல்லது ஐம்பதேனும்

              சிறக்கஉரை பெயர்இன்னிசை⁶¹ ;

          செம்பாட்டுடைத்தலைவன் உரைமுன் செய்யுள்தொகை

              செப்பல் ஊர்இன்னிசை⁶² யதே.  

    22

பெயர்நேரிசை, ஊர்நேரிசை, ஊர்வெண்பா, விளக்குநிலை,

நயனப்பத்து, பரோதரப்பத்து

     ‘பாட்டுடைத் தலைவனொடு பெயர்சார நேரிசைவெண்

              பாவினால் தொண்ணூறும்

          பத்தேழேனும் ஐம்பதேனும் சிறப்புடன்

              பாடுவது பெயர்நேரிசை⁶³ ;

     மீட்டும் அத்தலைவன்ஊர் சாரமுன் தொகைதொடை

              விளம்பல் ஊர்நேரிசை⁶⁴ யதாம்;

          வெண்பாவினால் ஊர்சிறக்க ஈரைந்துசெய்யுள்

              விள்ளும் ஊர்வெண்பா⁶⁵ வதாம்;