104. பாலை

	அம்ம வாழி, தோழி! காதலர்,
	நூல் அறு முத்தின் தண் சிதர் உறைப்ப,
	தாளித் தண் பவர் நாள் ஆ மேயும்
	பனி படு நாளே, பிரிந்தனர்;
	பிரியும் நாளும் பல ஆகுபவே!	உரை

211. பாலை

	அம் சில் ஓதி ஆய் வளை நெகிழ
	நொந்தும், நம் அருளார் நீத்தோர்க்கு அஞ்சல்
	எஞ்சினம் வாழி-தோழி!-எஞ்சாது
	தீய்ந்த மராஅத்து ஓங்கல் வெஞ் சினை
	வேனில் ஓர் இணர் தேனோடு ஊதி,
	ஆராது பெயரும் தும்பி
	நீர் இல் வைப்பின் சுரன் இறந்தோரே.	உரை