59. பாலை

	பதலைப் பாணிப் பரிசிலர் கோமான்
	அதலைக் குன்றத்து அகல் வாய்க் குண்டு சுனைக்
	குவளையொடு பொதிந்த குளவி நாறு நறு நுதல்
	தவ்வென மறப்பரோ-மற்றே; முயலவும்,
	சுரம் பல விலங்கிய அரும் பொருள்
	நிரம்பா ஆகலின், நீடலோ இன்றே.	உரை

84. பாலை

	பெயர்த்தனென் முயங்க, 'யான் வியர்த்தனென்' என்றனள்;
	இனி அறிந்தேன், அது துனி ஆகுதலே-
	கழல்தொடி ஆஅய் மழை தவழ் பொதியில்
	வேங்கையும் காந்தளும் நாறி,
	ஆம்பல் மலரினும் தான் தண்ணியளே.	உரை