81. குறிஞ்சி

	இவளே, நின் சொல் கொண்ட என் சொல் தேறி,
	பசு நனை ஞாழல் பல் சினை ஒரு சிறைப்
	புது நலன் இழந்த புலம்புமார் உடையள்;
	உதுக் காண் தெய்ய; உள்ளல் வேண்டும்-
	நிலவும் இருளும் போலப் புலவுத் திரைக்
	கடலும் கானலும் தோன்றும்
	மடல் தாழ் பெண்ணை எம் சிறு நல் ஊரே.	உரை

159. குறிஞ்சி

	'தழை அணி அல்குல் தாங்கல் செல்லா
	நுழை சிறு நுசுப்பிற்கு எவ்வம் ஆக,
	அம் மெல் ஆகம் நிறைய வீங்கிக்
	கொம்மை வரி முலை செப்புடன் எதிரின;
	யாங்கு ஆகுவள்கொல் பூங்குழை?' என்னும்
	அவல நெஞ்சமொடு உசாவாக்
	கவலை மாக்கட்டு-இப் பேதை ஊரே.	உரை