7. பாலை

	வில்லோன் காலன கழலே; தொடியோள்
	மெல் அடி மேலவும் சிலம்பே; நல்லோர்
	யார்கொல்? அளியர்தாமே-ஆரியர்
	கயிறு ஆடு பறையின், கால் பொரக் கலங்கி,
	வாகை வெண் நெற்று ஒலிக்கும்
	வேய் பயில் அழுவம் முன்னியோரே.	உரை

229. பாலை

	இவன் இவள் ஐம்பால் பற்றவும், இவள் இவன்
	புன் தலை ஓரி வாங்குநள் பரியவும்,
	காதற் செவிலியர் தவிர்ப்பவும் தவிராது,
	ஏதில் சிறு செரு உறுபமன்னோ!
	நல்லை மன்றம்ம பாலே-மெல் இயல்
	துணை மலர்ப் பிணையல் அன்ன இவர்
	மணம் மகிழ் இயற்கை காட்டியோயே.	உரை

390. பாலை

	எல்லும் எல்லின்று; பாடும் கேளாய்-
	செல்லாதீமோ, சிறுபிடி துணையே!-
	வேற்று முனை வெம்மையின், சாத்து வந்து இறுத்தென,
	வளை அணி நெடு வேல் ஏந்தி,
	மிளை வந்து பெயரும் தண்ணுமைக் குரலே.	உரை