128. நெய்தல்

	குண கடல் திரையது பறை தபு நாரை
	திண் தேர்ப் பொறையன் தொண்டி முன்துறை
	அயிரை ஆர் இரைக்கு அணவந்தாஅங்குச்
	சேயள் அரியோட் படர்தி;
	நோயை-நெஞ்சே!-நோய்ப் பாலோயே.	உரை

166. நெய்தல்

	தண் கடற் படு திரை பெயர்த்தலின், வெண் பறை
	நாரை நிரை பெயர்ந்து அயிரை ஆரும்,
	ஊரோ நன்றுமன், மரந்தை;
	ஒரு தனி வைகின், புலம்பு ஆகின்றே.	உரை

178. மருதம்

	அயிரை பரந்த அம் தண் பழனத்து
	ஏந்து எழில் மலர தூம்புடைத் திரள்கால்
	ஆம்பல் குறுநர் நீர் வேட்டாங்கு, இவள்
	இடை முலைக் கிடந்தும், நடுங்கல் ஆனீர்;
	தொழுது காண் பிறையின் தோன்றி, யாம் நுமக்கு
	அரியம் ஆகிய காலைப்
	பெரிய நோன்றனிர்; நோகோ யானே.	உரை