அமிர்தமதி, மகனை நோக்கி, நீ மன்னனைப் பிரிந்ததுயான்செய்த தீவினை; இனி, இதற்கு வருந்தாது, முடிபுனைந்து ஆள்க வென்றாளென்க

என்வினை என்று கூறுவது உலகவழக்கு. ‘இனையைநீயாயதெல்லாம் எம்மனோர் செய்த பாவம்‘  (சீவக. 391,315) என்றது அறிக.  விடுத்திடு - ஒருசொல். யசோமதியின்  துன்பம் பெரிதாதலின்.  ‘வெந்நோய்‘  என்றார்.‘பொதுக்கடிந்து ஆளுதல்‘ பூமி பிற அரசர்களுக்கு உரிமையின்றி ஏகசக்ராதிபனாய் ஆளுதல்.                         (80)

யசோமதி முடிபுனைந்து அரசனாதல்

(இ-ள்.) ஏர் அணி ஆரம்மார்பன் - அழகிய  ஆரமணிந்த மார்பினனான, இசோமதி - யசோமதி, வார் அணிமுரசம் ஆர்ப்ப - வார்க்கட்டமைந்த மங்கள முரசு முழங்க, மணிபுனை மகுடஞ் சூடி - மணிபுனைந் தியற்றிய முடியைச் சூடி, இறைமை எய்தி - ராஜபதவியை அடைந்து,  சீர்அணி அடிகள் - (தேவர்கள் இயற்றிய) சிறப்படைந்த ஆதி பகவன் அருளிய, செல்வத் திரு அறம் - முக்திச்  செல்வத்தைத் தரும் திருவறத்தினை, மருவல் செல்லான் - சேராதவனாகி, ஓர் அணி ஆரமார்பர் - ஒப்பற்ற அழகிய ஆரமணிந்தமார்பினாரான மாதர்களின், உவகை அம் கடலுள் ஆழ்ந்தான் - காமக்கடலினுள் மூழ்கி இன்புற்றான். (எ-று.)

யசோமதி அரசனாகி, திருவறத்தை மேற்கொள்ளாமல் மகளிர் இன்பத்தை அனுபவித்தானென்க.

இறைமை-அரசனாந் தலைமை. திருவறம் - ஜிநதருமம்.