(இ-ள்.) முன் தாய் ஆகி இறந்து பிறந்தவள் நாய்-முற்பிறப்பில் தாயாயிருந்து இறந்து இப்பொழுது நாயாய்ப் பிறந்திருப்பது, பின் ஓடி - (மயிலின்)   பின்னே ஓடி, நலிந்து - வருத்தி, அது கவ்விய வாய் முன் -அது கவ்விய இடத்திலேயே, மஞ்ஞை - மயில், மடிந்து உயிர் போயாது - இறந்து உயிர் சென்றது;  தீமை செய்வினை செய்திறம்-முற்பிறப்பிற் செய்த தீவினை பயனைச் செய்யும் விதம், இன்னது - இவ்வண்ண மாகும். (எ-று.)

மயில் உயிர் நீங்குஞ் சமயத்தில் நாய் சென்று  கவ்வ இறந்த தென்க.

‘நலிந்தது கவ்விய வாய்முன் மஞ்ஞை மடிந்தது‘ என்பதற்கு, (கல்லெறிய யுண்டதனால்) நலிவுற்றதாகிய மயில் (தன்னைக்) கவ்விய வாயிலேயே இறந்தது என்றும் கூறலாம்.  முன் தாய், என மாறுக.                         (14)

இ-ள்.) நாயின் வாயில் நடுங்கிய மாமயில் பொன்றின மன்னவன் இன் உயிர் - நாயின் வாய்ப்பட்டு  நடுங்கிய மயிலாகிய இறந்துபோன யசோதரராஜனுடைய இனிய உயிர், போயது - நீங்கிப் போயிற்று; (அதனை), ஆயும் ஆறு அறியாத - ஆராய்ந்து அறியும் முறைமை அறியாத, இசோமதி - யசோமதி யென்னும் அரசன், நாய் பெய்பலகையால் - (சூதாடு கருவியாகிய) நாயை வைத்திருக்கும் நெத்தப் பலகையால், நாயை - அந்நாயை, ஏற்றினன் -அடித்துக் கொன்றான். (எ-று.)