வாளி வாய் விழும் தகர்க் குட்டியை - அம்பு பாய்ந்த வழியாக வந்த விழுந்த வலிய ஆட்டுக்குட்டியை,. தான் வருத்தம் தவிர்த்து - (இதன் தாய் ஆட்டை) முயன்று வளர்த்த வருத்தத்தை விடுத்து, வளர்க்க என அருளினன்-வளர்ப்பாயாக வென்று கருணையால் உத்தரவு செய்தான்.

மன்னன், தகர்க்குட்டியை வளர்க்கும்படி புலையனிடம் அருளினானென்க.

அரசனுக்குக் கருணை பிறந்தமையால், ‘அருளினன்' என்றார்.  தாள் - முயற்சி.  முயன்று வளர்த்த ஆட்டைக் கொன்ற வருத்தம் விட்டு, இக்குட்டியை வளர்க்க என்றற்கு, ‘தான் வருத்தம் தவிர்த்து'  என்றார்.  வாளி - பாணம்; வாதிராஜரும் ‘ஸாணெந' என்றே கூறியிருத்தலால் ‘வாளி' என்ற பாடமே கொள்ளப்பட்டது.                           (30)

யசோமதி பலியிடும் செய்தி கூறல்

  (இ-ள்.) மற்று ஓர் நாள் - பின் பொருநாள், மன்னவன் - யசோமதி, மறமாதிற்கு  -சண்டமாரிக்கு, பெற்றியால் பரவி - முறைப்படி வணங்கி, பெரு வேட்டைபோய் - பெரியவேட்டைமேற்சென்று, உற்ற - தன்னிடம் அகப்பட்ட, பல் உயிர் கொன்று - பல பிராணிகளைக் கொன்று,வந்து - திரும்பி மாரிகோயில் வந்து, கொற்றம் மிக்க - வலிமிக்க, எருமைப்பலி ஒன்று ஏற்றினான் - எருமை ஒன்றைப்பலியாகக் கொன்றான்.  (எ-று.)

மன்னன், மாரிக்கு எருமைப்பலி யிட்டா னென்க.

வீரமகளாதலின், ‘மறமாது‘ எனப்பட்டாள்.  மறம் - வீரம் - கொன்று உவந்து எனவும் பிரித்துக் கூறலாம்.  பலி