இனி இவ்வாறு நூல்பயில்வோர் உளத்தே அங்கங்கே மெய்யறிவினை வித்திச் செல்லும் இப்புலவர் பெருமான் நகை முதலிய எண்வகைச் சுவைகளும் இடந்தோறும் பொதுளும்படி வரலாற்றினைக் கூறிச் செல்லும் அழகும், கதை உறுப்பினர்கள் தத்தம் தகுதிக்கேற்பச் சொல்லாட்டம் நிகழ்த்தும்படி செய்யும் சூழ்ச்சியும் பெரிதும் இனியவாம். வித்தியாதர வேந்தனாகிய சடிமன்னன் தன் மகளாகிய சுயம்பிரபையின் மணப் பருவம் கண்டு இவளை இவளுக்கேற்ற கணவனோடு கூட்டுவித்தல் வேண்டுமே