நாடினைத்து நகரினைத்தந் நாட்டிலவ
     தரித்துநன்னூல் நலமுற் றோங்கப்
பாடிவைத்த புலவர்தமிழ்ச் சங்கமே
     வியபுலவர் பாவ லோர்க்குத்
தேடிவைத்த நிதியளித்த மன்னர்தொகை
     யினைத்து மற்றைச் சீரினைத்தென்
றாடியுற்ற பொருள்போலக் காட்டுமா
     றிறுதியிலே யமையச் சேர்த்து

திரட்டியச்சிற் பதிப்பித்துப் பற்பலபுத்
     தகங்களாச் செய்து முன்னம்
முரட்டிமிரம் நீங்குதற்கு விவேகதிவா
     கரனைநல்கு முறைபோல் யாரும்
புரட்டிமயங் காவண்ண மெய்யுணரத்
     தந்தனனிப் புலவர் கோனுக்
கிரட்டியன்பு செய்வதலான் மற்றினியென்
     கைம்மாறொன் றியற்றற் பாற்றே.

தென்னாட்டுப் புலவரே மிகச்சிறந்த
    புலவரெனத் தெரிந்து மெச்சிப்
பொன்னாரங் கோடிநிதி யுதவுகொங்கு
    மண்டலத்தார் பொருந்து மேன்மை
முன்னோர்பாற் செயும் பத்தி நல்லொழுக்க
    முதற்குணங்கண் முறை விளங்க
வொன்னாரும் மகிழ்சதக முயர்கார்மே
    கக்கவிஞ ருரைத் திட்டாரால்,

அனையதனை யாய்வோர்க ளகமகிழக்
    குறிப்புரையொன் றமைத்தச் சேற்றி
வனையுநீ ருலகமெலா முலவவிடுத்
    தோரெவரேல் வையத்திற் சீர்
புனையுமொரு விவேகதிவா கரனையுதிக்
    கச்செய்தோர் புலவர்சூழுந்
தனைநிகர்செங் கோட்டுமுத்துச் சாமிக்கோ
    னாரெனும்பேர் தாம்பெற் றோரே.