மென்மையின் மறுபெயர்கள்

17. மென்மைமென் கணமெலி மெல்லெழுத் தாகும்.

(இ-ள்.) மென்மையெனினும், மென்கணமெனினும், மெலியெனினும்
மெல்லெழுத்தென்னும் ஒருபொருட்கிளவி. (17)

இடையெழுத்து

18. இடையெழுத் தென்மனார் யரல வழள.

(இ-ள்.) ய, ர, ல, வ, ழ, ள ஆறும் இடையெழுத்தாகும். (18)

அதன் மறுபெயர்கள்

19. இடைமை யிடைக்கண மிடையிடை யெழுத்தே.

(இ-ள்.) இடைமையெனினும், இடைக்கணமெனினும், இடையெனினும்
இடையெழுத்தென்னும் ஒருபொருட்கிளவி. (19)

இனவெழுத்துக்கள்

20. உயிர்முதன் முப்பது மொன்றற் கொன்றினம்.

(இ-ள்.) அ, ஆ, இ, ஈ, உ, ஊ, எ, ஏ, ஐ, ஒ, ஓ, ஒள-க, ங, ச, ஞ, ட, ண, த, ந, ப,
ம, ய, ர, ல, வ, ழ, ள, ற, ன ஆகிய முப்பதெழுத்துக்களுள், குறிலுக்கு நெடிலும்
வல்லினத்துக்கு மெல்லினமும் இனமாகும். இடையினத்துக்கு இனமிலவா மென்றுணர்க. (20)

ஐ ஒள என்பவற்றுக்கினம்

21. அவற்றுள்,
   இ, உ, ஐ, ஒளக் கினமென மொழிப.

(இ-ள்) முற்கூறிய முப்பதெழுத்துக்களுள் ஐகாரத்துக்கு இகரமும், ஒளகாரத்துக்கு உகரமும் இனமாகும். (21)

(வரலாறு.) ஐ, இ; ஒள, உ.

சார்பெழுத்தின் வகை

22. சார்புயிர் மெய்தனி நிலையிரு பாலன.