(இ-ள்.) நூறென்னும் எண்ணினோடு அளவுப் பெயரும் நிறைப் பெயரும் வந்து
புணரின் மிக்குமுடியும்.

(வ-று.) நூற்றுக்கலம், நூற்றுக்கழஞ்சு. (295)

ஒருபஃது முதலாகிய பெயர்களின் முன் ஒன்று முதலியன

455. ஒன்றுமுத லாகிய பத்தூர் கிளவி
     ஒன்றுமுத லொன்பாற் கொற்றிடை மிகுமே.

(இ-ள்.) ஒன்றுமுதல் எட்டீறாகப் பத்தேறியொரு சொல்லாய் நின்ற வொருபது
முதலாகிய எண்கள் ஒன்றுமுதல் ஒன்பான்கள் வரின் மிகும்.

(வ-று.) இருபத்தொன்று, இருபத்திரண்டு, இருபத்து மூன்று (296)

456. ஆயிரம் வரினே யின்னே சாரியை
     ஆவயி னோற்றிடை மிகாதியல் பாகும்.

(இ-ள்.) அவ்வொன்று முதலாகிய பத்தூர்கிளவி ஆயிரத்தினோடு புணரி னின்சாரியை
பெறும், ஆயிடைத் தகரமெய் மிகாதியல்பாம்.

(வ-று.) பதினாயிரம், இருபதினாயிரம். (297)

457. அளவு நிறையு மாயிய றிரியா.1

(இ-ள்.) அளவுப்பெயரு நிறைப்பெயரும் புணரின் மிகும்.

(வ-று.) நூற்றுக்கலம், நூற்றுக்கழஞ்சு. (298)

புணரியன் முற்றும்.

எழுத்ததிகாரம் முற்றும்.

1. தொல். எழுத். குற்றிய - 71.