ஒன்பதின்முன் ஆயிரம்

450. ஒன்பா னின்னொடு வருமென மொழிப.

(இ-ள்.) ஒன்பதென்னும் எண் இன்சாரியை பெறுமென்க.

(வ-று.) ஒன்பதினாயிரம். (291)

ஒன்று, இரண்டன்முன் நூறாயிரம்

451. நூறா யிரம்வரி னியல்பா கும்மே.

(இ-ள்.) நூறாயிரமென்னும் எண்வரின் இயல்பாமெனவறிக.

(வ-று.) ஒருநூறாயிரம், இருநூறாயிரம். (292)

நூறு என்பதன் முன் ஒன்று முதல் ஒன்பான்

452. நூறென் கிளவி யொன்றுமுத லொன்பாற்
     றீறுசினை யொழிய வினவொற்று மிகுமே.1

(இ-ள்.) நூறென்னும் எண்ணுப்பெயர் ஒன்றுமுதல் ஒன்பான்களோடு
புணருங்காலீறாகிய குற்றியலுகரங் கெடாது அதற்கினமாகிய றகரமெய் மிக்குமுடியும்.

(வ-று.) நூற்றொன்று, நூற்றிரண்டு. (293)

நூறு என்பதன் முன் ஒருபஃதும் இருபஃதும்

453. அவையூர் பத்தினு மத்தொழிற் றாகும்.2

(இ-ள்.) அந்நூறென்பது நின்று முற்கூறிய ஒன்று முதலொன்பானெண்களை
ஊர்ந்துவந்த பத்தென்பதனோடு புணருங்கால் ஈறுசினையொழிய இனவொற்றுமிகும்.

(வ-று.) நூற்றொருபஃது, நூற்றிருபஃது. (294)

நூறு என்பதன் முன் அளவும் நிறையும்

454. அளவொடு நிறைவரி னவ்விய னிலையும்.

1. தொல் - எழுத் - குற்றிய - 66.

2. தொல் - எழுத் - குற்றிய - 67.