தொழிற்பெயர் விளியேற்குமாறு

578. தொழிற்பெயர்க் கிளவி யேயொடு சிவணும்.

(இ-ள்.) தொழிற் பெயர்க்கு ஈரோடு ஏகாரமும் வந்து விளிக்கும்.

(வ-று.) வந்தார், வந்தீரே. (121)

பண்புப்பெயர் விளியேற்குமாறு

579. பண்புப் பெயரு மவ்வியல் பாகும்.

(இ-ள்.) பண்புப் பெயரும் ஏயொடு விளிக்குமென்க.

(வ-று.) கரியார், கரியீரே, இளையீரே. (122)

அளபெடைப் பெயர் விளியேற்குமாறு

580. 1 அளபெடைப் பெயரே யளபெடை யியல.

(இ-ள்.) ரகரவீற்று அளபெடைப்பெய ரியல்பாய் விளிக்கும்.

(வ-று.) சிறாஅஅர், மகாஅஅர். (123)

விளியேலாப் பெயர்கள்

581. அவரிவ ருவர்விளி யடையா வாகும்.

(இ-ள்.) அவர், இவர், உவர், விளியேலா வாகும். (124)

இதுவுமது

582. யாவரு நீயிரு மவற்றோ ரற்றே.

(இ-ள்.) யாவர், நீயிர், விளியே லாவாமென்க. (125)

ல, ள என்பன விளியேற்குமாறு

583. லளக்களி னீற்றய னீண்டு விளிக்கும்.

(இ-ள்.) ல, ள க்களையீறாகிய பெயரீற்றய லெழுத்து நீண்டு விளிக்கும்.

1. தொல் - சொல் - 149.