வரியிலும் கீழே வந்து மீண்டும் மேல் நோக்கவும் கீழ் வரியிலும் அவ்வாறே
மேலுற்றுக் கீழ்நோக்கவும் பெரியவார் போக்கி இந்தவார் நான்கும் நான்கு
வரியாகவும் பாடுவது முரசுபெந்தம். ஒரு பொருள் தரும்சொல் ஒரு மாத்திரை
மிகுதிப்படுத்த வேறொரு பொருள் தருவது மாத்திரை வருத்தனம்.

     ஒரு பொருள் தரும்சொல் ஒரு மாத்திரையைக் குறைக்க வேறொரு
பொருள் தருவது மாத்திரைச் சுருக்கம்.

பிறிதுகவி, கடகபெந்தம், தேர்க்கவி ஆகியவற்றை விளக்குகிறது.

     உரை : ஒரு செய்யுளை அடியும் தொடையும் வேறுபடுத்தினாலும்
சொல்லும் பொருளும் வேறுபடாது வேறொரு செய்யுளாக வருவது பிறிதுகவி.
ஒரு வரி மறைந்து நான்கு வரி பிடியாக அமைந்தும் ஏற்கும் மறை வலமாகச்
சுற்றி முனையில் பொருத்துவது கடகபெந்தம். பதின்மூன்று வரியும் பதினாறு
வரியும் ஒன்பது வரியும் தட்டு உடையதாய்க் கீழ்த்தட்டு முதலாக இடமாகவும்
வலமாகவும் சுற்றி வந்து மேலே போய் நேரே கீழ் இறங்கி வந்து ஒத்துக்
கீழ்த்தட்டில் முடிவது தேர்க்கவி.