இ-ள்; தலைவன் கூறியவழி எதிர் கூறுதல் பாங்கற்கு உரித்து என்றவாறு, எதிர்கூறுதலாவது மாறுபடக்
கூறுதல் அவை களவுக்காலத்துக் கழறலுங் கற்புக் காலத்துப் பரத்தையிற் பிரிவிற்கு உடம்படாது கூறலும்
இவை போல்வனவும்.
|
உதாரணம்
|
“காமங் காமம் என்ப காமம்
அணங்கும் பிணியும் அன்றே நுணங்கிக்
கடுத்தலும் தணித்தலும் இன்றே யானை
குளகுமென்று ஆள்மதம் போலப்
பாணியும் உடைத்தது காணுநர்ப் பெறினே”1 |
(குறுந்-136)
|
என்றும்.
|
“பொருள் பொருளார்ப் புன்னலந் தோயார் அருள் பொருள்
ஆயும் அறிவி னவர்”2 |
(குறள்-314)
|
என்றும் வரும்.
|
நச்
|
இது, மேற் பார்ப்பார்க்குரியன பாங்கற்குமாமென எய்து வித்ததனை ஒருமருங்கு மறுக்கின்றது.
|
இதன் பொருள் : மொழியெதிர் மொழிதல்-பார்ப்பானைப் போலக் காமநிலையுரைத்தல் போல்வன
கூறுங்கால் தலைவன் கூறிய மொழிக்கு எதிர் கூறுதல், பாங்கற்கு உரித்து -பாங்கனுக்கு உரித்து
என்றவாறு.
|
இது களவிற்கும் பொது! அது பாங்கற் கூட்டத்துக் காண்க. கற்பிற் புறத்தொழுக்கத்துத் தலைவன்
புகலாமற் கூறுவன |
1 பொருள் : உலகர் தீயதுகண்டு அஞ்சுமாறு போலக் காமம் காமம் எனக் கூறுவர். காமமானது பேயும்
இல்லை; நோயும் இல்லை. கூரியதாகி பெருகுவதும் சுருங்குவதும் இல்லை. குளவி என்னும் இரை
தின்றபோது யானைக்கு மதம் வெளிப்படுவதுபோலக் காமமும் ஒருகாலத்தில் வெளிப்படும்பாங்கும்
உடையது. இது அறியும் ஆற்றலுடையாரைப் பெறின் புலப்படும்.
|
2 பொருள் : அருளாகிய சிறப்புப் பொருளை ஆராயும் பெரியோர் பொருளையே பொருளாகக் கருதும்
வரைவின் மகளிரின் புல்லிய அழகைப் புணரார். |