இ - ள் : இறைவனே! இறைக்கண் வெள்ளிய வளைகள் வீழாதபடி காத்திருந்து யார் உயிரோடு வாழ்வார்? துவலை மிக்க புயலினாலே, தேனை யிடத்திலேயுடைய வளப்பத்தையுடைய முல்லை மலரின் மீதே வண்டுகள் இருக்கப்பட்ட கார்காலத்து மயிலாடக் கண்டு அளவில்லாத நீரைப்பொழியும் கண்கள் எ - று.

ஆதலால், யார் உயிரோடு வாழ்வார் என இயையும்.

இதில் 'இறைவா இறைவா' என்று முதலடி முதலிலும், 'உறைவார் உறைவார்' என்று இரண்டாமடி முதலிலும், 'வண்டளவு வண்டளவு' என்று மூன்றாமடி முதலிலும் மடக்குகள் வந்தமை காண்க.

(வி - ரை)இது தலைவனது பிரிவின்கண் தலைவியது ஆற்றாமை கூறித்தோழி செலவழுங்குவித்ததாகும். இறைவா - இறைவனே; தலைவனே! இறை - முன்கை. வால் - வெண்மையான. உறைவார் - தங்குவார் (உயிரோடு வாழ்வார்). உறை - நீர்த்துளி. வார் - மிக்க. வண்தளவு - வளப்பம் பொருந்திய முல்லை. வண்டு அளவு - வண்டுகள் இருக்கப்பட்ட.