548 ‘ஆண்மர மாயின் அம்மொடு சிவணும்.’ 145 ‘தொழிற்பெயர் எல்லாம் தொழிற்பெயர் இயல,’ 148 ‘இயல்பாம் கிளைப்பெயர் எல்லாம் என்ப.’ 149 ‘அல்வழி உணவுஎண் டகாரம் ஆகும்,’ 150 ‘இயல்பா தலும்திரி தலும்முரண் இயல்பே.’ 146 னகரஈற்றுச் சிறப்புவிதி-122-128
வேற்றுமையில் னகர ஈற்றுக் கிளைப்பெயர் 122. னஃகான் கிளைப்பெயர் இயல்பும் அஃகான்
அடைவும் ஆகும் வேற்றுமைப் பொருட்கே, இது னகர ஈற்றுள் ஒன்றற்கு எய்தியது விலக்கலும் எய்தாதது எய்துவித்தலும் நுதலிற்று. இ-ள்: னகர ஈற்றுச் சாதிப்பெயர் திரியாது இயல்பு ஆதலும் அகரம் பெறுதலும் ஆகிய இரு திறனும் பொருந்தும், வேற்றுமைப் பொருட் புணர்ச்சிக்கண் என்றவாறு. வரலாறு: எயின்குடி-சேரி-தோட்டம்-பாடி எனவும். எயினக்கன்னி-சிறுவன்-தலைவன்-பிள்ளை-ஞாற்சி-நீட்சி-யாப்பு-வலிமை-ஆட்சி எனவும் முறையே காண்க. சாதிப்பெயரும் குழூஉப் பெயரும் உயர்திணைப்பெயர் ஆகாது அஃறிணைப் பெயராய் நிற்றலின் ஈண்டு முடித்தார். 4 விளக்கம் எய்தியது விலக்கல்-119ஆம் நூற்பாவினால் எய்திய நிலைமொழி ஈற்றுத்திரிபினை விலக்குதல், எய்தாதது எய்துவித்தல் - அகரச்சாரியை பெறும் என்பது. |