றாற்போல்வனவற்றை விளக்க வந்தது இந்நூற்பா என வலிந்துரை யாதல் காண்க.
|
ஒத்த நூற்பாக்கள்:
|
| | முழுதும் -
| நன். 287 |
| ‘யான்நான்நீ தான் ஒருமை யாம்நாம் நீர்நீவிர்
எல்லீர் நீயிர்தாம் எல்லாம் பன்மை.’ | தொ.வி.51 |
இருவன் இருத்தி முதலாக வாராமை
|
| 190 | ஒருவன் ஒருத்திப் பெயர்மேல் எண்இல.
| |
இது மேற்கூறிய எண் இயற்பெயருள் ஒரு சாரனவற்றிற்கு எய்தியது
விலக்குகின்றது. இ-ள்: உயர்திணை ஆண்பால்பெயரும் பெண்பால் பெயரும் எண் அடியாகத்
தோன்றும் காலத்து, ஒன்று என்பது அடியாக ஒருவன் ஒருத்தி எனத் தோன்றுவது
அல்லது, அதன்மேல் நின்ற இரண்டு முதலிய எண் அடியாக இருவன் இருத்தி
எனத்தோன்றுதல் உளவாகா என்றவாறு.
|
விளக்கம்
|
மேற்கூறிய என்றது-177, 178-ஆம் நூற்பாக்களை.
எண்ணியற்பெயர் - எண் அடியாகத் தோன்றிய பெயர்.
|
பகுதி பன்மையாயின் பன்மைவிகுதியே சேர்தல் வேண்டலின், அன்ஈறும்
இகரஈறும் ஆகிய விகுதிகள் இரண்டு முதலிய எண் அடியாகவரும் பெயரொடு
பொருந்தா எனபது.
|
ஒத்த நூற்பாக்கள்:
|
| ‘ஒருமை எண்ணின் பொதுப்பிரி பாற்சொல்
ஒருமைக்கு அல்லது எண்ணுமுறை நில்லாது.’ தொல். | சொல்.44 |