கண்கால் முதலியன உருபு ஆகா என்றார்; அவை ஓர் இடத்தினை வரைந்து
உணர்த்துங்கால் பொருளாதலும், ஐம் முதலியன போலச் சாத்தனுழை இருந்தான்-
சாத்தன்முன் வந்தான்- எனத் தனக்கென ஓர் பொருள் இன்றிப் பெயர்ப்பொருளை
இடமாக வேறுபடுத்துங்கால் உருபு ஆதலும் ஆகிய வேறுபாடு உணராமையின்.
 

  கண்கால் முதலியன ஏழன் உருபின் பொருள் என்ற சேனாவரையர் மதத்தை
இவ்வாசிரியர் பின்பற்றியுள்ளார். அவர் கூறியுள்ள விளக்கங்களையே இவரும்
குறிப்பிட்டுள்ளார். இவர் கருத்து ஒருசாரார் மதம் என்று கொள்ளத்தக்கது. முனிவர்
போற்றும் சேனாவரையர் கொள்கை இவ்வாசிரியர்வழி வந்தவிடத்து மறுக்கப்படுவது
வியப்பைத் தருகிறது.