இஃது உயர்திணை வினைக்குறிப்பினுள் ஒன்றற்குப் பால்வகையான் பொதுமை
கூறுகின்றது.

இ-ள்: யார் என்னும் வினாப்பொருளை உணர்த்தும் வினைக்குறிப்பு முற்றுச்சொல்
உயர்திணை மருங்கின் மூன்று பாற்கும் உரித்து என்றவாறு.

முப்பாற்கும் உரித்து என்பார் ‘முப்பால்’ என்றார், சொல்லொடு பொருட்கு
ஒற்றுமை உண்மையான். ‘இழி இருபால்’ என்பதற்கும் இவ்வுரை கொள்க.

வரலாறு: அவன்யார், அவள்யார் அவர்யார்-என வரும்.
 

ஆர் ஈறு பலர்பாலைக்காட்டும் ஈறு எனினும், யார் என்னும் வினைக்குறிப்பினுள்
அது முப்பாலுக்கும் பொது என்பது. சொல்லைப் பொருள் உணர்தற்குக் கருவியாகக்
கோடலேயன்றி, அவை பிரிக்க முடியாத தொடர்பு உடையன என்பதும் இவ்வாசிரியர்
கருத்தாகக் கொள்க.

தொல்காப்பியனார் காலத்தில் உயர்திணை மூன்றுபாற்குமே இந்த யார் என்ற
குறிப்புமுற்று உரிமை பூண்டு நின்றது, பிற்காலத்தில் இது பொதுவினையாயிற்று.