ஊக்கி- ஊக்கு+இ
உண்டி- உண்+ட்+இ
ஒத்தி- ஒ+த்+த்+இ
உரைத்தி- உரை+த்+த்+இ இவற்றுள் விகுதி இகரமே காலங்காட்டுதலின், ட்-த்-ற் என்பன எழுத்துப்
பேறுகளாகக் கொள்க. சூழாதி-சூழ்+ஆ+த்+இ; சூழ்- பகுதி; ஆ-எதிர்மறை இடைநிலை; த்- எழுத்துப்
பேறு; இ-முன்னிலை ஒருமை வினை முற்று விகுதி. உரைக்கிற்றி- உரை+க்+கின்று+இ; உண்ணா நிற்றி- உண்+ஆநின்று+இ- இவற்றுள்
கின்று, ஆ நின்று என்பனவற்றால் விகுதி தனக்குரிய எதிர்காலத்தை விடுத்து
நிகழ்காலத்தைக் காட்டுதற்குப் பயன்பட்டவாறு காண்க. நடப்பி, வருவி- என்பன செய்வி என்னும் ஏவற்பகுதிகள்; இவை எதிர்கால
வினைமுற்றுக்களாய் வரும். உண்டிலை- உண்+ட்+இல்+ஐ; ட்- இறந்தகால இடைநிலை; இல்+ எதிர்மறை
இடைநிலை. உண்டிலாய்- உண்+ட்+இல்+ஆய்; ட்- இறந்தகால இடைநிலை, இல்+எதிர்மறை
இடைநிலை. ஐ, ஆய் என்பன முன்னிலை ஒருமை வினைமுற்று விகுதிகள். உண்ணல், மறால், அழேல்- என்பன எதிர்காலத்தின் கண்வரும் முன்னிலை
ஒருமை எதிர்மறை முற்றுக்களாம். சொல்லிக்காண்- எதிர்கால முன்னிலை ஒருமை முற்று. செய், செய்வி என்றவாய்பாடுகளும் மின், உம் என்ற ஈறுகளும் முன்னிலையின்
ஒருகூறாகிய ஏவலைஉணர்த்துவன. |