‘தொகை’ எனப் பொதுப்படக் கூறிய அதனானே, எண்ணுப் பெயரே அன்றி,
அனைத்தும் எல்லாம் என்னும் தொடக்கத்தனவும் கொள்க.

செவ்வெண் இடைச்சொல் அன்று ஆயினும், எண் ஆதலும் தொகை பெறுதலும்
ஆகிய ஒப்புமையான் ஈண்டுக் கூறினார்; அஃது எண்ஆதல் புறனடையால் கொள்க.
 

பெயர்ச் செவ்வெண் உம்மைத் தொகையின் வேறானது. உம்மைத்தொகையான்
இணைந்த சொற்களைத் தனித்தனிப் பிரித்தல் இயலாது.

செவ்வெண்ணால் இணைந்தவற்றைப் பிரித்துப் பொருள் கொள்ளலாம்.
 

செய்யுளில் செவ்வெண்தொகை விகாரத்தால் தொக்கும் வரும்.