இஃது எற்று என்னும் இடைச்சொல் பொருள்படுமாறு கூறுகின்றது.

இ-ள்: எற்று என்னும் இடைச்சொல் ஒன்றன் இடத்தின் நின்றும் ஒன்று போயிற்று
என்னும் பொருளை உணர்த்துதலை உடைத்து என்றவாறு.
 

(தொல்.சொல்.263)

தொல்.சொல். 263,மு.வீ.ஒ-11

இது மற்றையது என்பது பொருள்படுமாறு கூறுகின்றது.

இ-ள்: மற்றையது என்னும் பெயர்க்கு முதல்நிலையாய் வரும் மற்றை என்னும்
ஐகார ஈற்று இடைச்சொல் ஒருவன் முன்னர்க் கருதப்பட்ட பொருள் ஒழிய அதன்
இனப் பொருளைக் குறித்து நிற்கும் என்றவாறு.