:: TVU ::

இடைச்சொல்இயல்-நூற்பா-25,26

429

	‘இகும்மியா இகமதி மோசின் முன்னிலை அசைச்சொல் என்மனார் அறிந்திசி னோரே.’	மு.வி.ஒ-20

எல்லாவிடத்தும் வரும் அசைச்சொற்கள்
277.	யாகா பிறபிறக்கு அரோபோ மாதுஇகும் சின்குரை ஓரும் போலும் இருந்துஇட்டு அன்றுஆம் தான்தாம் என ஆன் என்ப அன்னபிறவும் அசைநிலை மொழியே.	தொல்.சொல். 266,மு.வீ.ஒ.13
இஃது அசைநிலை ஆமாறு கூறுகின்றது. இ-ள்: யாமுதலிய இருபத்தோர் இடைச்சொல்லும் அவை போல்வன பிறவும் தாம் சார்ந்த சொல்லை அசைத்து நிற்கும் சொல்லாம் என்றவாறு. வரலாறு: யாபன்னிருவர் மாணாக்கர் அகத்தியனாருக்கு என-யாவும்,
	‘அறநிழல் எனக்கொண்டாய் ஆய்குடை அக்குடைப் புறநிழற்கீழ்ப் பட்டாளோ இவள்இவட் காண்டிகா’	கலி. 99
என-காவும்,
	‘யாம்சில, அரிசிவேண்டினேம் ஆகத் தான்பிற வரிசை அறிதலின் தன்னும் தூக்கி’	புறம்.140
என- பிறவும்,
	‘நசைதர வந்தோர் நசைபிறக்கு ஒழிய’	புறம். 15
என-பிறக்கும்,
	‘நோதக இருங்குயில் ஆலும் அரோ’	கலி.33
என-அரோவும்,
	‘எரியின் அன்ன செந்தலை அன்றில் பிரியின் வாழாது என்போ தெய்ய’
என-போவும்,