நேமிநாத நூலாரும் “அன்மைத்தன்மையைத் துணி பொருள்மேல் வைக்க”
என்றார். நன்னூலார் கருத்தும் அதுவே. முத்துவீரியநூலார் அன்மைத் தன்மையைத் துணியப்படாத பொருள்மேல் வைத்து எடுத்துக்காட்டுக்களும் தந்துள்ளார்.

‘குற்றிகொல்லோ மகன்கொல்லோ’ என்று ஐயுற்றவழிக் குற்றி என்பது
துணியப்பட்டதாயின் அப்பொருள்மேல் அன்மைத்தன்மையை ஏற்றி ‘மகன் அன்று’
என்று சுருங்க விடையிறுத்தலும், இவ்வுரு மகன் அன்று என்று சற்று விளங்க
விடையிறுத்தலுமாகிய ‘மெய்தெரி பொருள்மேல் அன்மை விளம்புதலே’ மிகப்
பொருத்தமாயிருத்தல் காண்க.