இயற்பெயரும் சிறப்புப்பெயரும் ஒன்றனை ஒன்று கொள்ளும்வழி எதனையும்
முற்கூறலாம். ஆனால் இரண்டும் வேறு ஒரு வினை கோடற்கண் சிறப்புப்பெயரை
முன்னும் இயற்பெயரைப் பின்னும் கூறலே முறை. இருபெயரொட்டுப்
பண்புத்தொகைக்கண் இம்முறை மாறியும் வரலாம். அது புதியது புகுதலாம்.

குன்றவன்- திணைப்பெயர். அருவாளன்- நிலன், பார்ப்பான்- சாதி, சேரமான்-
குடி, ஊர்கிழான்- உடைமை முனிவன்- தவம், நாடகி- தொழில் (நாடகம் ஆடுவோன்),
புலவன்- கல்வி, குருடன்- சினை, மெய்யன்- குணம்.