இது பலபொருள் ஒரு சொற்கண் ஆவது ஒரு மரபு வழுக்காக்கின்றது, குறித்த
பொருள் விளங்காமை கூறல் மரபு அன்மையின் விளங்கக் கூறுக என்றலான்.

இ-ள்: வினை முதலியபற்றி அவற்றான் வேறுபடாத பலபொருள் ஒருசொல்லை
இன்னது இது எனச் சிறப்பான் எடுத்துக் கூறுவர் புலவர் என்றவாறு.

எனவே, வினைமுதலியவற்றான் வேறுபடும் பலபொருள் ஒருசொல்லை அவற்றான்
வேறுபடக் கூறுவர் என்பதூஉம் ஆயிற்று.

வரலாறு: மா என்பது ஒருசார் விலங்கிற்கும் ஒரு மரத்திற்கும் வண்டிற்கும் பொது.
குருகு என்பது ஒரு பறவைக்கும் உலைமூக்கிற்கும் வளைக்குப்பொது.
 

இனி அவற்றான் வேறுபடாதன மாமரம் வீழ்ந்தது- விலங்குமா வீழ்ந்தது-
எனவரும்.

ஒரு சாதிக்கண் அணைந்த சாதி இனம். அங்ஙனம் அன்றி ஒருவாற்றான் இயைபு
உடையது சார்பு.